Klein in getal, groot in geloof – groei elke dag saam met God.
Wanneer jy by Rietvlei Akademie Lyttelton instap, voel jy onmiddellik tuis. Hierdie unieke Afrikaanse privaatskool bied ‘n warm en vriendelike atmosfeer waar elke leerder werklik gesien en ondersteun word. Met klein klasse, van slegs tot twaalf leerders elk, verseker ons persoonlike aandag en kwaliteit onderrig wat elke kind help om hul volle potensiaal te bereik.
’n Omgewing waarin elke kind uitblink
Ons droom groot by Rietvlei Akademie. Ons visie is om ‘n veilige, liefdevolle en Christelike omgewing te skep waarin elke kind se uniekheid gevier en gekoester word. Hier ondersteun ons kinders individueel, wat hulle help om nie net akademies te groei nie, maar ook sterk karakters te bou en wyse, verantwoordelike volwassenes te word.
Die hart van ons skool
Ons missie is eenvoudig, maar kragtig: ons wil kinders holisties ontwikkel deur geestelike leiding, akademiese ondersteuning en persoonlike aandag. Elke leerder moet geliefd, verstaan en veilig voel, sodat hulle vol vertroue en geloof die wêreld kan aandurf.
Waardes wat saak maak
Ons leef elke dag ons kernwaardes uit:
- Geloof – om ons Christenskap met trots en vreugde uit te leef.
- Diensbaarheid – om altyd gereed te wees om ander te help.
- Respek – om almal met waardigheid te behandel.
- Integriteit – om eerlik en opreg te wees in alles wat ons doen.
- Omgee – om opregte liefde en sorg aan ander te toon.
Akademiese uitnemendheid
Rietvlei Akademie Lyttelton is geregistreer as ’n Afrikaanse privaat laerskool by die Departement van Onderwys en die Instituut vir Christelike Onderwys (ICO). Ons volg die nasionale KABV-kurrikulum (CAPS) en beklemtoon ‘n ondersteunende, samewerkende leeromgewing. Ons moedig aktiewe ouerbetrokkenheid aan omdat ons glo dat dit krities is vir elke kind se sukses en groei.
Ons gee veral aandag aan uitdagings waarmee kinders te kampe kan hê, soos angstigheid, leerhindernisse, en sosiale kwessies. Ons werk nou saam om elke kind te help om sterker selfvertroue te bou en verantwoordelikheid vir hul eie akademiese reis te aanvaar.
Leer met pret en plesier
By Rietvlei Akademie glo ons leer moet ook pret wees. Daarom bied ons gereelde verrykingsdae en prettige aktiwiteite soos Wiskundedag, Plasjapiedag, onderstebo-dag, Valentynsokkie, en nog baie meer. Hierdie geleenthede maak leer interaktief en genotvol, wat kinders motiveer om elke dag hul beste te gee.
Ons bied ook privaataktiwiteite aan soos Parkour vir fisieke ontwikkeling en Drama-Lama’s dramaskool vir kreatiewe groei.
Belangrike feite oor ons skool
Taal van Onderrig: Afrikaans
Grade: Graad 1 tot 7
Skoolure:
- Grondslagfase (Gr. 1-3): Maandag tot Donderdag van 07:30 tot 13:00, en Vrydae van 07:30 tot 12:30
- Seniorfase (Gr. 4-7): Maandag tot Donderdag van 07:30 tot 13:30, en Vrydae van 07:30 tot 13:00
Skoolgeld:
- Skoolfonds: R4 195 per maand, betaalbaar oor 12 maande
- Naskool: R1 per maand, betaalbaar oor 11 maande
Kom kuier by ons
Ons nooi jou hartlik uit om ons skool te besoek en self te ervaar hoe Rietvlei Akademie ’n plek is waar kinders elke dag gelukkig leer, geestelik groei en hul drome verwesenlik.
Kontak ons
Adres: NG Kerk Lyttelton, Hoek van Langebrink- en Burgerlaan, Lyttelton, Centurion, 0154
Telefoon: 067 412 5036
E-pos: admin@rietvleiral.co.za
Maak vandag nog ’n afspraak en ontdek waarom ons skool die perfekte plek vir jou kind is om te floreer.